البراونيز الاصلي

وصفة البراونيز الاصلي

200غ شكلاط نوعية جيدة 55%

130غ زبدة سبيسيال

150غ سنيدة

3بيضات

70غ دقيق خاص بالحلويات بالنسبة للناس لي عندهم حساسية من الجلوتن ممكن نعوضو ب 40غ كاكاو بني نوعية جيدة +30غ نشا الذرة)

100غ گرگاع(كنقطعوه ونحمروه شوية )

نصف ساشي ڤاني

الطريقة

كندوبو الزبدة نطفيو عليها ونزيدو ليها الشكلاط ونحركوها ونخليوه يذوب على خاطرو

كنطربو البيض مع السكر حتى كتشكل لينا رغوة نزيدو الطحين (او الكاكاومع النشا)ونخلطو غير بالسباتول او الطراب اليدوي من بعد خليط الزبدة والشكلاط (نكونو خلطناهم مزياان) والڤاني من بعد نزيدو الگرگاع

نخويو الخليط فمول مستطيل لي نكونو ذهناه من قبل بالزبدة(من الأحسن مول مستطيل باش يجي زوين فالتقطاع)

البراوني مكيبغيش الطياب بزاف على نار مهييلة) نردو البال معاه غير تشكل لينا قشرة من الفوق نطفيو عليه باش ميقصاحش ويجي معلك وننخليوه يبرد عاد نقطعوه