كيك الحامض

المقادير:

6بيضات

كاس عنبة سكر

كاس عنبة زيت

كاس عنبة حليب

عصير حامضة

مبشور حامضة

2خمارات

200دقيق

الطريقة:

كنطربو البيض مع عصير الحامض مزيان حتى كيرغوي من بعد كنزيدو السكر على 3 ديال الدفعات حتى كيتقال الخليط ويبياض ويضاعف الحجم ديالو من بعد كنزيدو الزيت بشوية بشوية على 4 ديال الدفعات من بعد الحليب حتى هو بنفس الطريقة تدريجيا من بعد مبشور الحامض والخميرة لي غربلتها وفهاد المرحلة كنحيدو الطراب الكهربائي وكنديرو الطراب اليدوي وفالاخير كنزيدو الدقيق لي مغربل 2 مرات على دفعات معلقة بمعلقة وكنخلذو بالطراب من لتحت للفوق هاكدا مكيتهرسش لينا داك البيض وفنفس الوقت الخليط كيدحل ليه الريح. بالنسبة لتوت انا مكنديروش فهاد الميك فالعادة غير كان بقا لي شوية مبغيتوش يضيع ورميتو فيها الا بغيتو الوصفة ديال كيك التوت بركو على سميتي غادي تطلع ليكم.

المول ضروووووري يكون مدهون مزيان بالزبدة والدقيق ولا مغلف بورق الطبخ .

كنطيبوه على درجة حرارة 170 مدة 45 دقيقة والفران مشعول من لتحت ولفوق.